А овлӧны сэтшӧм йӧз, кодлысь нимсӧ кылан да он
жӧ и тӧд мый шуны, но сы вӧсна нин, мый
шунысӧ позьӧ уна, да он и тӧд кыдзи заводитны. Менам шуд вылӧ олӧмӧй озыр
татшӧм сикаса йӧзнас. И ӧтилӧн на пиысь талун Чужан лун.
Та вӧсна талун ог ас йывсьым гиж, а
именинник йылысь.
😸 Тӧдмасим ми сыкӧд университетын
велӧдчигӧн, 3.5 во сайын.
😸 Паспорт серти сійӧс шуӧны Еленаӧн,
но олӧмын сылӧн зэв уна нимтысян ним. Ми коркӧ сералім нин, мый туявны кӧ
Леналысь став прӧзвищесӧ да налысь этимологиясӧ – дзонь диссертация лоӧ.
😸 Тайӧ нывкаыслӧн зэв аслыспӧлӧс
чужӧм (“жугыльыс” менам колян блогйысь – сійӧ).
😸 Сійӧ принципиальнӧя ассьыс нимлунсӧ
оз инды Ӧтуввезын аслас листбок вылын. Ме кык во чӧж век соралі сылысь Чужан
лун кадпассӧ (9-ӧд али 10-ӧд мартӧ). Сійӧ дивуйтчис та вылӧ да юаліс, мый пӧ
вермас лоны “10”-сьыс гӧгрӧсджык. Вот тасянь и помнита.
😸 Леналӧн аслыснога йитӧдъяс ункӧд:
сійӧ либӧ пӧшти садьмывтӧг узьӧ, либӧ пӧшти оз узь.
😸Тайӧ нывкаыс зэв чӧскыда жаритӧ
картошка. Торъя нин чӧскыд тайӧ картошкаыс ӧтуволанінын 11 час рытын.
😸 Сійӧ ыджыд Мастер коми мафияасьны. Сідз
пӧръялас да гартлас (кӧть олӧмын и абу пӧръясьысь морт), мый сыкӧд ворсысьяслы
отсӧг вылӧ весиг череп волас!
😸 Пара во сайын ме сетлі кыв, мый сиа
сылы кутшӧмкӧ гижӧд. Сии. Ленчик, босьт да кырымпасась☺
Вообше, бур, кор олӧмад эм морт, код
тэнад шмонь да “подколъяс” вылӧ вочавидзӧ сыӧн жӧ, а оз дӧзмы да скӧрмы. Вот
татшӧм и эм Габова ёрт. Овлӧ, сідз воча “бытшкыштас”, мый и ачыд нин абу рад “бытшласьӧм”
туй вылас сувтӧмысь.
А кыдз сійӧ радейтӧ веськавны быдсяма
историяас!..
Весьтас кӧ шуны, юрам уууна на
Леналӧн аслыспӧлӧслун да сыкӧд лоӧмтор бергалӧ, мый йылысь эськӧ окота гижны…
Но, чайта, ставсӧ кӧ гижа, сійӧ первойысь збыльысь дӧзмас ме вылӧ.
Сійӧн… Гӧгрӧс лунӧн, Ленчик! Аддзы
ассьыд нырвизьтӧ да смела восьлав тайӧ туйӧдыс!💥
